Գյուղատնտեսության ոլորտին տրամադրվող վարկերի տոկոսադրույքների սուբսիդավորման ծրագիր

«Գյուղատնտեսության ոլորտին տրամադրվող վարկերի տոկոսադրույքների սուբսիդավորման» ծրագրի հիմնական նպատակն է հանրապետության ագրոպարենային ոլորտում զբաղ­ված ֆիզիկական և իրա­վաբանական անձանց տրամադրվող վարկերի տոկոսա­դրույքների մասնակի սուբսիդա­վորման, վարկավորման պայմանների բարելավման միջոցով նպաստել տնտեսա­վարողների կարողությունների ընդլայնմանը,  արդիական տեխնոլոգիաների ներդրմանը, գյուղատնտեսության արդյունավետության բարձրացմանը:

 

Վարկերի տոկոսադրույքի սուբսիդավորումը կիրականացվի այնպիսի չափաքանակով, որպեսզի դրանք Հայաստանի Հանրապետության կառավարության 2014 թվականի դեկտեմբերի 18-ի N 1444-Ն որոշմամբ հաստատված սոցիալական աջակցություն ստացող սահմանամերձ բնակավայրերի տնտեսավարողներին տրամադրվեն 0 %, հանրապետության մնացած համայնքների տնտեսավարողներին` 5 %  և գյուղատնտեսական կոոպերատիվներին` 3% տոկոսադրույքով: 

 

Վարկերը տրամադրվում են ՀՀ դրամով, 3-15 մլն դրամ գումարի սահմաններում: Վարկավորման ժամկետը սահմանվում է մինչև 5 տարի` ելնելով ներդրումների ուղղվածությունից:

 

Ֆինանսական կառույցի համար սուբսիդավորվող վարկերի տրամադրման հայտի ընդունման, քննարկման և վարկի տրամադրման նախապայման է համարվում ՀՀ գյուղատնտեսության նախարարության կողմից տնտե­սավարողներին տրամադրված հավաստագիրը: Հավաստագրման կարգին կարող եք ծանոթանալ այստեղ: 

 

 Ծրագրից օգտվելու համար շահառուները կարող են դիմել  «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ» «Կոնվերս բանկ», «ՔԱՐԴ ԱգրոԿրեդիտ» ՈւՎԿ,  «Ֆարմ Կրեդիտ Արմենիա» ՈՒՎԿ ԱԿ, «Կամուրջ» ՈԻՎԿ, «Անիվ ՈՒՎԿ», «Ագրոլիզինգ ՍՊԸ», «Հայբիզնեսբանկ» ՓԲԸ  և «Հայաստանի զարգացման և ներդրումների կորպորացիա» ՈՒՎԿ

 

Ծրագրի մանրամասներին կարող եք ծանոթանալ  այստեղ

 

Ծրագրից օգտվելու ուղեցույց

 

Ծրագրի վերաբերյալ խորհրդատվություն ստանալու համար կարող եք դիմել Գյուղատնտեսության զարգացման ծրագրերի վարչություն` 011525232 հեռախոսահամարով: Բողոքների դեպքում խնդրում ենք զանգահարել նախարարության թեժ գիծ`  055 54-19-68 հեռախոսահամարով:

 

 

 

Տպել