Գյուղատնտեսության զարգացման միջազգային հիմնադրամի հետ քննարկվել են ընթացիկ և առաջիկայում նախատեսվող ծրագրերը

2018-12-03

5ՀՀ գյուղատնտեսության նախարարի պաշտոնակատար Գեղամ Գևորգյանն այսօր ընդունել է Գյուղատնտեսության զարգացման միջազգային հիմնադրամի (IFAD) ներկայացուցիչներին` գյուղատնտեսության ոլորտում ընթացիկ և 2019 թվականին նախատեսվող ծրագրերը քննարկելու նպատակով:

 

Հանդիպմանը ներկա էին նաև ՀՀ կառավարության, Բնապահպանության նախարարության, Հայաստանում գյուղական տարածքների տնտեսական զարգացման հիմնադրամի (FREDA) ներկայացուցիչներ, ոլորտի այլ պատասխանատուներ:

 

Հանդիպման ընթացքում Գեղամ Գևորգյանն ընդգծել է ագրարային բնագավառում համատեղ ծրագրերի իրականացման կարևորությունը, ինչպես նաև շեշտել ծրագրերի ուղղությունների ճիշտ թիրախավորումը, որոնք պետք է բխեն  կառավարության առաջնահերթույթւններից և համահունչ լինեն ոլորտի զարգացման  ռազմավարությանը:

 

Միաժամանակ Գեղամ Գևորգյանը հույս է հայտնել, որ 2019 թվականի ընթացքում գյուղոլորտում նախատեսվող համատեղ նախաձեռնությունները արդյունավետ կմեկնարկեն և կունենան բարեհաջող ընթացք:  Այս համատեքստում նախարարի պաշտոնակատարը հատկապես կարևորել է Գլոբալ էկոլոգիական հիմնադրամի (ԳէՀ/GEF)` «Հայաստանում արտադրողականության աճին ուղղված հողերի կայուն կառավարում» ծրագիրը, որն իրականացվելու է ՀՀ ԿԱ «Գյուղական տարածքների տնտեսական զարգացման ծրագրերի իրականացման գրասենյակ» ՊՀ-ի կողմից: Ծրագրի հիմնական նպատակն է բարձրացնել փոքր տնտեսություն վարող ֆերմերների եկամուտը` հողերի կայուն կառավարման համակարգերում և տեխնոլոգիաներում կատարվող ներդրումների միջոցով։  

 

Հանդիպման ընթացքում կողմերը մտքեր են փոխանակվել գյուղատնտեսության ոլորտում համագործակցության նոր հեռանկարների վերաբերյալ:

 

 

ՀՀ գյուղատնտեսության նախարարության տեղեկատվության

և   հասարակայնության հետ կապերի բաժին

 

 
 

Տպել