ՀՀ գյուղատնտեսության նախարարության աշխատակազմի անտառային տնտեսության բաժինը նախարարության աշխատակազմի կառուցվածքային ստորաբաժանում է, որը ստեղծվել է Հայաստանի Հանրապետության կառավարության 2002 թվականի սեպտեմբերի 5-ի N1516-Ն որոշմամբ:
Բաժինն իր գործունեությունն իրականացնում է Հայաստանի Հանրապետության օրենսդրությանը և այլ իրավական ակտերին համապատասխան:
Բաժնի նպատակն է.
- բնական միջավայրին համապատասխան անտառների կայուն կառավարումը և անտառային տարածքների հետևողական ընդլայնումը:
Բաժնի խնդիրներն են.
- Հայաստանի Հանրապետության անտառների պահպանության, պաշտպանության, վերարտադրության և օգտագործման բնագավառում պետական քաղաքականության մշակումը և իրականացումը
- Անտառային տնտեսության վարման միջոցառումների կատարման և անտառօգտագործման նկատմամբ հսկողության սահմանումը:
Բաժինն իր նպատակի և խնդիրների իրականացման համար իրականացնում է հետևյալ գործառույթները`
- անտառների պահպանության, պաշտպանության, վերարտադրության և օգտագործման բնագավառում պետական ծրագրերի մշակում և իրականացման ապահովում,
- անտառների պահպանության, պաշտպանության, վերարտադրության և օգտագործման բնագավառներում կատարվող աշխատանքների համակարգում,
- իր իրավասությունների սահմաններում ոլորտին առնչվող իրավական համապատասխան ակտերի մշակում և հաստատման ներկայացում,
- անտառային տնտեսության վարման հետ կապված հաշվետվությունների ուսումնասիրում,
- անտառները և անտառային հողերը օգտագործման տրամադրելու նպատակով ներկայացված անտառօգտագործման ծրագրերի ուսումնասիրում,
- Հայաստանի Հանրապետության օրենսդրությամբ սահմանված կարգով ՀՀ պետական բյուջեի նախագծի մշակման աշխատանքներին մասնակցություն և հատկացված բյուջետային միջոցների նպատակային ու արդյունավետ օգտագործման ապահովում,
- անտառային տնտեսության վարման միջոցառումների կատարման և անտառօգտագործման ուսումնասիրություն,
- անտառների պետական մոնիթորինգի տվյալների ուսումնասիրությու,ն
- Հայաստանի Հանրապետության գյուղատնտեսության նախարարարության հաստատմանը ներկայացված անտառաշինական նախագծերի (այսուհետ՝ նախագիծ) վերաբերյալ «Հայանտառ» պետական ոչ առևտրային կազմակերպությունից՝ եզրակացության, իսկ «Անտառային պետական մոնիտորինգի կենտրոն» պետական ոչ առևտրային կազմակերպությունից՝ կարծիքի ստացումը, ամփոփումը և նախագիծը հաստատելու կամ դրա հաստատումը մերժելու վերաբերյալ հիմնավորված դրական կամ բացասական եզրակացության ներկայացումը նախարարին,
- նախարարություն մուտք գործող Հայաստանի Հանրապետության կողմից վավերացված Լանդշաֆտի եվրոպական կոնվեցիայից բխող Հայաստանի Հանրապետության պարտավորությունների կատարման միջոցառումների վերաբերյալ առաջարկությունների նախապատրաստում,
- ոլորտին առնչվող խնդիրների համատեքստում պետական, ոչ պետական, ինչպես նաև անտառների կայուն կառավարման բնագավառում միջազգային կազմակերպությունների հետ համագործակցության իրականացում,
- ոլորտի գործունեության հետ առնչվող ՀՀ քաղաքացիներից ստացվող առաջարկությունների և հարցադրումների քննարկում և ընթացքի ապահովում:
Բաժնի պետ ` Արթուր Պետրոսյան
Հեռ.` (+37411) 561 290
Էլ.փոստ՝ artur.petrosyan@minagro.am
Անտառային տնտեսության բաժնի կանոնադրություն