«Պետական աջակցություն գյուղատնտեսական հողօգտագործողներին մատչելի գներով դիզելային վառելիքի ձեռքբերման» ծրագրի նպատակը Հայաստանի Հանրապետության հողօգտագործողներին մատչելի գնով դիզելային վառելիքի ձեռքբերման, հողերի արդյունավետ օգտագործման, գյուղատնտեսական մթերքների արտադրության ծավալների ավելացման միջոցով գյուղացիական տնտեսությունների եկամուտների բարձրացմանը նպաստելն է:
Դիզելային վառելիքը պետական սուբսիդավորման արդյունքում շահառուներին հատկացվում է 1 լիտրի դիմաց 380 դրամ արժեքով` հետևյալ չափանիշներով.
1) հողօգտագործողներին` Հայաստանի Հանրապետության մարզպետարանների հսկողությամբ, ելնելով հողօգտագործողի կողմից մշակվող հողատարածքի չափից` մինչև 3 հեկտար հողատարածքի համար, 1 հեկտարին՝ մինչև 200 լիտր չափաբաժնով,
2) Հայաստանի Հանրապետության մարզպետարանների հսկողությամբ՝ գյուղատնտեսական կոոպերատիվներին, գյուղատնտեսական արտադրանք արտադրելու նպատակով համատեղ գործունեության պայմանագիր կնքած անձանց և 2018 թվականի Հայաստանի Հանրապետությունում հացահատիկային և հատիկաընդեղեն որոշ մշակաբույսերի տեղեկան սերմնաբուծության ու սերմնարտադրության զարգացման ծրագրի շրջանակներում սերմացուներ ձեռք բերած շահառուներին՝ ըստ փաստացի մշակվող հողատարածքի չափի՝ 1 հեկտարի համար մինչև 200 լիտր չափաբաժնով,
3) Նախարարության ենթակայությամբ գործող կազմակերպությունների, Հայաստանի Հանրապետության կրթության և գիտության նախարարության «Հայաստանի ազգային ագրարային համալսարան» հիմնադրամի գիտական կենտրոնների համար ելնելով փաստացի մշակվող հողատարածքի չափից` վերջիններիս կողմից ներկայացված պահանջարկի հիման վրա:
Ծրագրի շրջանակում սուբսիդավորված գնով դիզելային վառելիքի ձեռքբերման համար հողօգտագործողները պետք է դիմեն համապատասխան մարզպետարաններ:
Ծրագրի մանրամասներին կարող եք ծանոթանալ այստեղ
Ծրագրի վերաբերյալ հարցերի դեպքում կարող եք դիմել ՀՀ ԳՆ աշխատակազմի բուսաբուծության և բույսերի պաշտպանության վարչություն` 011 52 37 93 հեռախոսահամարով:Բողոքների դեպքում խնդրում ենք զանգահարել նախարարության թեժ գիծ` 055 54-19-68 հեռախոսահամարով: