«Հայաստանի Հանրապետությունում 2018 թվականի գարնանացան ցորենի, ոլոռի, սիսեռի, գարնանացան գարու, եգիպտացորենի, առվույտի, կորնգանի և հնդկացորենի արտադրության զարգացման» ծրագրի նպատակն է հացահատիկային, հատիկաընդեղեն և կերային մշակաբույսերի բերքի ինքնաբավության մակարդակի բարձրացումը, սպառման համար անհրաժեշտ ներկրման քանակի նվազեցումը, արտադրողների և վերամշակողների միջև պայմանագրային հարաբերությունների ձևավորումը, արտադրման, վերամշակման և սպառման արժեշղթայի զարգացումը, ցանքաշրջանառությունների կիրառմամբ գարնանացան ցորենի, ոլոռի, սիսեռի, ոսպի, գարու, եգիպտացորենի, առվույտի, կորնգանի և հնդկացորենի ցանքատարածությունների ու համախառն բերքի ծավալների և գյուղատնտեսությամբ զբաղվող տնտեսվարող սուբյեկտների եկամուտների ավելացումը և այլն:
Պետական աջակցություն ցուցաբերելու նպատակով նշված սերմացուները հողօգտագործողներին հատկացվում են պետության կողմից ձեռք բերված արժեքից ավելի ցածր գներով՝
|
գարնանացան ցորեն |
150 դրամ |
|
ոլոռ |
300 դրամ |
|
սիսեռ |
500 դրամ |
|
գարնանացան գարի |
130 դրամ |
|
եգիպտացորեն |
350 դրամ |
|
առվույտ |
1500 դրամ |
|
կորնգան |
370 դրամ |
Գարնանացան սերմացուն հատկացվում է մինչև 3 հեկտար հողատարածք ունեցող տնտեսվարողներին` միայն նախապես վճարելու պայմանով, նախապատվությունը տալով գյուղատնտեսական կոոպերատիվներին, ոչ իրավաբանական կարգավիճակ ունեցող գյուղացիական միավորումներին (միավորման շրջանակը պետք է արտացոլված լինի պայմանագրային փոխհարաբերությամբ) փաստացի հողօգտագործման համաձայն, անասնապահությամբ զբաղվող և Հայաստանի Հանրապետության տավարաբուծության զարգացման ծրագրում ընդգրված տնտեսվարողներին:
Ծրագրի շրջանակում սերմացու ձեռք բերելու նպատակով հողօգտագործողները պետք է դիմեն համապատասխան համայնքապետարաններ:
Ծրագրի մանրամասներին կարող եք ծանոթանալ այստեղ
Ծրագրի վերաբերյալ հարցերի դեպքում կարող եք դիմել ՀՀ ԳՆ աշխատակազմի բուսաբուծության և բույսերի պաշտպանության վարչություն` 011 52 37 93 հեռախոսահամարով:Բողոքների դեպքում խնդրում ենք զանգահարել նախարարության թեժ գիծ` 055 54-19-68 հեռախոսահամարով:
